Siemens kompanııasynyń vıtse-prezıdenti Qasym-Jomart Toqaevqa alǵys aıtty
ASTANA. KAZINFORM – Bernd Ýlbrıht korporatsııa bastamalaryna qoldaý kórsetkeni úshin Memleket basshysyna alǵys aıtty.
Onyń pikirinshe, Siemens kompanııasy Qazaqstan naryǵyna engen 30 jyl ishinde birqatar ónerkásiptik jobalardy tabysty iske asyrýǵa atsalysqan.
Siemens AG vıtse-prezıdenti ózara múddeli baǵyttarda yntymaqtastyqty keńeıtýge qyzyǵýshylyq tanytatynyn rastady.
Ol kompanııanyń elektr jelilerin jańǵyrtý, tsıfrlandyrý, avtomattandyrý, sýmen jabdyqtaý salalarynda tehnologııalyq sheshimderdi usyna alatynyn, sondaı-aq derekterdi óńdeý ortalyǵy ınfraqurylymyna qatysýǵa ázir ekenin jetkizdi.
Qasym-Jomart Toqaev Siemens AG kompanııasynyń kommertsııa jáne qarjy máseleleri jónindegi vıtse-prezıdenti Bernd Ýlbrıhtty qabyldaǵanyn jazǵan edik.
