Bernd Shtork: Qazaqstan fýtbol federatsııasynan jyly sezimmen ketip baram
ALMATY. Qazannyń 15-i. QazAqparat /Erlik Erjanuly/ - Ulttyq quramanyń sońǵy oıyndarynan keıin Qazaqstan fýtbolyndaǵy ilgerileýshilik aıqyndala tústi. Ony Bas bapker Bernd Shtork búgin Almatyda 2012 jylǵy Eýropa chempıonatynyń irikteý kezeńindegi matchtardyń qorytyndysy týraly baspasóz máslıhatynda aıtty.
"Alǵa qaraı aıtarlyqtaı qadam jasaldy. Bapker retinde menińshe, Belgııa, Germanııa quramalarymen ótken kezdesýler úzdik oıyndar boldy. Men árıne, Atqarý komıtetiniń sheshimimen kelisem. 4 matchtan 3 upaı jınaý týraly salmaqty mindet júkteldi. Bizge eń quryǵanda 1 upaı jınaýǵa sál-pál sáttilik jetpedi. Ásirese Avstralııamen bolǵan oıynda. 2,5 jyldyq qyzmette qurama oıynynda aıtarlyqtaı ilgerileýshilikter baıqaldy", - deıdi Bernd Shtork. Nemis mamanynyń aıtýynsha, ol bul komandamen jumys istegenin maqtan tutady. Komanda músheleri men QR Fýtbol federatsııasy ujymyna da aıtar alǵysy óte zor. QR Fýtbol federatsııasynyń vıtse-prezıdentteri tartý etken ulttyq shapandy kıip turyp, "endi naǵyz qazaq boldym" degen B. Shtork taıaýdaǵy kúnderi Berlınge oralmaq. Biraq Qazaqstanǵa degen saǵynyshty sezimin árdaıym júreginde saqtaıtyn bolady.
