Bermýd úshburyshynda ushaq joǵalyp ketti
ASTANA. QazAqparat - Bortynda tórt adam bar MU-2B ushaǵy Florıdadan shyǵyp Pýerto-Rıkoǵa baǵyt alǵan jolda radar ekranynan joǵalyp ketti, dep habarlaıdy Reuters AQSh-tyń jaǵalaýdy qorǵaý kúzetine silteme jasap.
Ushaq Pýerto-Rıkodan tańerteń jergilikti ýaqyt boıynsha 11-de ushyp shyqqan. Túski ekiler shamasynda onymen baılanys úzilgen. Bortta 10 jáne 4 jastaǵy eki balasy bar Nıý-Iorktiń turǵyndary bolǵan.
Áýe sýdnosynyń joǵalǵan sátinde Baǵam araldarynyń biri-Elıýterdiń ústinde, 7 myń metr bıiktikte ushyp bara jatqan.
Atlant muhıty aýmaǵyndaǵy Florıda, Bermýd araldary jáne Pýerto-Rıko jurtqa «Bermýd úshburyshy» atymen tanymal.
