Berlýskonıge qol jumsaǵan azamat óz isine ókinip, keshirim surap hat jazdy

Hatty  Mılandaǵy  «San-Raffaele»   aýrýhanasynda   jatqan    Berlýskonıge   qaskóıdiń   advokattary  tabys etti,  dep  habarlaıdy ITAR-TASS agenttigi.

 ANSA agenttiginiń aqparaty  boıynsha,  Tartalıa   keshirim  surap, «oılanbaı  jasalǵan»    áreketi  úshin     ókinishin bildirgen.

 Italııa Premer-Mınıstri  Sılvıo Berlýskonı   óz jaqtastarynyń    mıtıngisinde shabýylǵa ushyraǵanyn QazAqparat budan buryn habarlaǵan   bolatyn.

Taıaq jep,  murny buzylǵan     úkimet basshysy  dereý    aýrýhanaǵa   jetkizilgen.   Reıter  agenttiginiń  habarlaýynsha, oqıǵa  Mılanda    mıtıng kezinde   oryn  alǵan.    Sóz sóılep bolǵannan  keıin   Berlýskonı    óz jaqtaýshylarynyń  ortasyna    kirip,  avtograf   tarata  bastaıdy.  Kenetten   qolyna     shaǵyn  músin  ustaǵan     belgisiz bireý S.Berlýskonıdiń betinen  urady.

 Shabýyl jasaýshy  ustalǵan, al  Berlýskonıdi   aýrýhanaǵa    jatqyzýǵa týra kelgen.   Oqıǵa saldarynan   premerdiń erni  jyrtylyp, eki  tisi synǵan.    Aýrýhanada anyqtalǵandaı,       premerdiń  murny da buzylǵan.

 Shabýyl jasaýshy  buryn sottalǵan 42 jastaǵy  Massımo  Tartalıa degen  azamat bolyp shyqty.     10  jyl boıy   psıhatr mamannyń  baqylaýynda    kelgen    Tartalıa  qazir Mılan túrmesinde  otyr.  Qorǵaýshylarynyń    habarlaýynsha,    olardyń  klıenti  qazir dárigerlerdiń tekserýinen  ótip jatyr.

S.Berlýskonıdiń saıasaty Italııada    kóptegen  daý-janjal týǵyzyp  otyrǵanyn  aıta ketý kerek.    Solshyldardyń pikirinshe, Italııa Berlýskonıdiń  basshylyǵymen  avtorıtarlyq rejimge aýyp barady.