Berlýskonıge arnalǵan qol júgi Italııa áýejaıynda jaryldy
ASTANA. 3 qarasha. QazAqparat - Grekııadan kóterilgen ushaqtyń bortynan tabylǵan, Italııa premer-mınıstri Sılvıo Berlýskonıge arnalǵan qol júgi Bolonııa áýejaıynda polıtseıler tekserip jatqan kezde jarylyp ketken,
dep habarlaıdy Lenta.rý.
Oqıǵany tekserip jatqan ıtalııalyq polıtsııa ókilderiniń aıtýynsha, Berlýskonıge arnalǵan qol júginiń ishindegi jarylǵysh zattyń quramy ázirge anyqtalǵan joq. Mamandar pikirine qaraǵanda, Berlýskonı men GFR kantsleri Angela Merkelge jiberilgen jarylǵysh zattar birdeı bolýy múmkin.
Sılvıo Berlýskonıge arnalǵan kúdikti júk 2 qarashada keshkilik Afına reısin oryndap júrgen ushaq bortynan tabylǵan. Qaýipti júk tabylysymen ushaq Italııanyń Bolonıa qalasyna qonyp, Berlýskonıge arnalǵan júkti polıtsııaǵa tabys etken.
Grekııanyń quqyq qorǵaý organy jarylǵysh zattar salynǵan zattardy taratýdyń artynda jergilikti anarhıster tobynyń músheleri tur, dep oılaıdy. Tipti, oqıǵaǵa qatysy bar degen eki kúdiktiniń qamaýǵa alynǵany týraly da aqparat taratyldy. Degenmen, tergeý barysy týraly málimetter ázirge aıtylmaı otyr.
