Berlýskonıdi jıi eske salǵany úshin ıtalıalyq telearnaǵa 100 myń eýro aıyppul salyndy
ASTANA. 12 mamyr. QazAqparat - Italıanyń telekommýnıkatsııalyq vedomstvosy (Agcom) Rai Uno arnasynyń jańalyqtar qyzmetine Premer-mınıstr Sılvıo Berlýskonıdiń esimin tym jıi qaıtalaǵany úshin 100 myń eýro aıyppul saldy,
dep jazady RBK.
Sheshim Apennınde 15-16 mamyr kúnderi ótetin ákimshilik saılaý aldyndaǵy saılaýaldy úgit-nasıhatyna baılanysty birneshe apta boıy televızııalyq efırge taldaý jasaǵannan keıin qabyldanǵan.
Oppozıtsııa Rai Uno jańalyqtar qyzmetin jáne onyń bas redaktory Aýgýsto Mıntsolınıdi partııalardyń efırge qoljetimdiliginiń teń dárejede bolýyn buzdy dep birneshe ret synǵa alǵan bolatyn, dep jazady Bı-Bı-Sı.
