Berlýskonı senatorlardy satyp alǵany úshin taǵy úsh jyl túrmege otyrady
ASTANA. QazAqparat - Italııanyń burynǵy premer-mınıstri Sılvıo Berlýskonı senatorlardy satyp alýǵa aıypty dep tanylyp, úsh jylǵa bas bostandyǵynan aıyrýǵa úkim shyǵaryldy.
Nepal soty 2007 jyly el úkimetin taıdyrý maqsatynda bolǵan jaǵdaıdy qarady.
Prokýratýra Berlýskonıdi bes jylǵa túrmege otyrǵyzýdy talap etti.
Sot eks-premer birqatar senatorlardy óz jaǵyna tartyp, úkimettik daǵdarysqa ushyratqanyn tanydy, sonyń nátıjesinde premer-mınıstr Romano Prodı otstavkaǵa ketti, al Berlýskonı taǵy da úkimet basyna keldi.
Budan buryn Berlýskonı salyqtardy tóleýden jaltarǵany jáne kámeletke tolmaǵandarmen jynystyq qatynastarda bolǵany úshin ártúrli bappen sottalǵan bolatyn.
Italıandyq zańnamanyń qaǵıalaryna sáıkes 78 jastaǵy Berlýskonı jazasyn túrmede ótkizýge emes, úıqamaqta nemese qoǵamdyq jumystarda ótkerýine quqyly, dep habarlady Bı-bı-sı.
