Berlýskonı «Rýbı isi» boıynsha 7 jylǵa bas bostandyǵynan aıyryldy
ASTANA. 25 maýsym. QazAqparat - Berlýskonı «Rýbı isi» boıynsha 7 jylǵa bas bostandyǵynan aıyryldy. Berlýskonıdiń ózi sottyń úkimin ony saıası ómirden alastatýǵa áreket dep ataýda.
Mılan soty «Rýbı isi» boıynsha kámelettik jasqa tolmaǵandardyń jezóksheligine qatysy bar dep aıyptalǵan Italııanyń burynǵy premer-mınıstri Sılvıo Berlýskonıdi 7 jylǵa bas bostandyǵynan aıyrdy. Bul týraly Reseı Jańalyqtar agenttigi jazyp otyr.
Sonymen qatar, sottyń sheshimine sáıkes, eks-premer memlekettik laýazymdarǵa taǵaıyndalý quqyǵynan ómir boıyna aıyryldy. Berlýskonıdiń ózi úkimniń jarııalanýyna qatysqan joq.
Burynǵy premer-mınıstrge qatysty sot protsesi 2011 jyldyń sáýir aıynda bastaldy. Tergeý ony 18 jasqa tolmaǵan marokkandyq Karıma el-Marýgpen (laqap esimi «Rýbı») jynystyq baılanysqa tústi dep aıyptaǵan bolatyn.
