Berlýskonı ózine qol jumsaǵan Tartalıany keshirdi
ASTANA. Jeltoqsannyń 23-i. QazAqparat - Italııa Premeri Sılvıo Berlýskonı jeltoqsannyń 13-inde Mılanda ózine shabýyl jasaǵan 42 jastaǵy Massımo Tartalıany keshirdi. Bul týraly seısenbi kúni keshke premerdiń «Bostandyq halqy» partııasynyń basshylyǵyna jaqyn derek kózderdiń birinen málim boldy,
dep habarlaıdy «RIA «Novostı» agenttigi.
Partııanyń Rımdegi shtab-páteri men aýrýhanadan keıin demalyp jatqan Arkor qalasyndaǵy «San-Martıno» vıllasynyń arasynda ótken telekonferentsııada Berlýskonı, júıke aýrýymen aýyratyn Tartalıany adamı turǵydan keshiretinin málim etti.
Deıturǵanmen, úkimet basshysy, bıliktiń kórnekti ókiline qol jumsaǵan Tartalıanyń áreketiniń aýyrlyǵyn jete baǵalamaýǵa bolmaıtynyn atap kórsetti. Italııanyń Mınıstrler keńesiniń tóraǵasyna qol jumsaýǵa bolady dep oılaýǵa jol berýge bolmaıdy, dedi ol óz sózinde. Oǵan qosa, Berlýskonı, eger soqqy sál joǵarylaý tıse, onyń kózinen aırylýy, tipti ólip ketýi múmkin bolǵanyn aıtty.
Bul shabýyldyń jeltoqsannyń 13-i kúni keshke, premer partııanyń Mılandaǵy jıynynda sóz sóılegennen keıin bolǵanyn budan buryn habarlaǵan bolatynbyz. Júıkesi aýyratyn Tartalıa premerge 2-3 metr qashyqtyqtan aýyr temir músindi laqtyryp, onyń murnyn jáne tisin syndyrǵan edi.
