Berlýskonı Mediaset isi boıynsha 4 jylǵa sottaldy
ASTANA. 27 qazan. QazAqparat - Italııanyń burynǵy premer-mınıstri Sılvıo Berlýskonı óziniń Mediaset kompanııasyndaǵy alaıaqtyq áreketterine baılanysty 4 jylǵa sottaldy, dep habarlady RIA "Novostı".
Aıta keteıik, Mediaset isi Berlýskonıdiń qatysýymen atyshýly sot úrdisteriniń biri bolyp tabylady. Mılan prokýratýrasynyń paıymynsha, Mediaset Italııada amerıkandyq fılmderdi kórsetý quqyqtaryn basqa fırmalar arqyly, atap aıtqanda Mediatrade jáne RTI arqyly satyp alyp otyrǵan. Oǵan qosa, kınoprokattyń baǵasy aıtarlyqtaı joǵary bolǵan. Osylaısha alaıaqtyq áreketter arqyly túsken paıda Shveıtsarııa men Bagam araldarynyń bank esepshotyna túsip turǵan.
