Berlınniń burynǵy merine shabýyl jasaldy

ASTANA. KAZINFORM – Seısenbi kúni Berlınniń burynǵy meri jáne Jn Otbasy isteri jónindegi federaldyq mınıstri Frantsıska Gıffıge shabýyl jasaldy.

Berlın kitaphanasyndaǵy shara kezinde belgisiz er adam onyń artynan kelip, ishine qatty zat salynǵan sómkemen uryp jibergen. Saıasatker basy men moınynan jaraqat alyp, ambýlatorlyq em alý úshin aýrýhanaǵa jatqyzyldy.

Polıtsııa shabýyldaýshyny ustady, ol 74 jastaǵy er adam bolyp shyqty. Jergilikti BAQ-tyń habarlaýynsha, onyń boıynda «psıhıkalyq aýrý belgileri» bar. Kúdiktiniń shabýylyna ne sebep bolǵany anyqtalyp jatyr. Er adamnyń páterinde tintý júrgizildi. 

Shabýyldan keıin F.Gıffı oqıǵaǵa qatysty túsinikteme berdi. Ol bolǵan jaǵdaıǵa alańdaıtynyn, sondaı-aq Germanııadaǵy saıası belsendi jáne adal adamdarǵa shabýyldyń jıilep jatqanyn aıtty. 

Ótken aptada Eýroparlament depýtattyǵyna jetekshi kandıdattardyń biri sotsıalıst Mattıas Ekke Drezdende plakattar ilý kezinde aýyr jaraqat aldy. Polıtsııa tym ońshyldarmen baılanysy bolýy múmkin tórt jasóspirimdi tergep jatyr. 

Buǵan deıin qalada «jasyldar» qozǵalysynyń belsendisi soqqyǵa jyǵyldy, al seısenbide partııanyń Ivonna Moslerge shabýyl jasaldy.