Berlınniń qaq ortasynan hrıstıandar, ıýdeıler jáne musylmandar úshin ortaq qulshylyq úıi salynbaq
ASTANA. 20 qyrkúıek. QazAqparat - Berlınniń qaq ortasynan hrıstıandar, ıýdeıler jáne musylmandar úshin ortaq qulshylyq úıi salynbaq. Atalmysh ǵıbadat orny «Qulshylyq etý jáne Petrıplattstaǵy dinderdi zerdeleý úıi» dep atalady.
Onda ár dinniń ókilderi úshin óz aldyna bólek, arnaıy ǵıbadat bólmeleri bar, sondaı-aq, kezdesýge arnalǵan jalpyǵa ortaq oryn da qarastyrylǵan. Sáni men sáýleti bólek bul qulshylyq úıi burynǵy áýlıe Petr atyndaǵy lıýterandyq shirkeýdiń ornyna turǵyzylady. Bul týraly muslim.kz saıty habarlaıdy.
«Berlın-Brandenbýrg» radıosyna bergen suhbatynda shirkeý pastory Grıgor Hoberg bul jobanyń qalaı paıda bolǵanyn bylaısha áńgimeleıdi: «Biz qala turǵyndarynyń arasalmaǵynyń ózgergenin baıqadyq, musylmandardyń qarasy kóbeıip keledi. Dinder arasyndaǵy dıalogty qolǵa alatyn ýaqyttyń kelgenin sezdik». Biregeı jobanyń quryltaıshylary: áýlıe Petr men áýlıe Marııa protestanttyq shirkeýi, Berlınniń jóıtter qaýymy, Avraam Geıger kolledji, Berlındegi mádenıetter arasyndaǵy dıalog jónindegi musylmandar forýmy jáne Berlın federaldy jer úkimeti», - dep jazady Áziret Sultan meshitiniń resmı saıty.
Biryńǵaı tegis kirpishten qalanǵan ǵımarattyń syrtqy kórinisi qandaı da bir kıeli dúnıeni eske túsiretindeı erekshelenbeıtin syńaıly. Al qulshylyq úıiniń tabaldyryǵynan attaǵandardy hrıstıandardyń, ıýdeılerdiń jáne musylmandardyń sáýlet óneri kóz tartatyn bolady. Sınagoga - Qudysqa, meshit - qubylaǵa, al hrıstıan shirkeýi qalanyń bastaý alatyn tusyna - Petrıplattske qaraǵan.
