Berlınniń batysyndaǵy oq-dáriler qoımasynda jarylys bolyp, órt shyqty

NUR-SULTAN. QazAqparat - Grýnevald aımaǵyndaǵy jarylystyń sebebi anyqtalýda. Zardap shekkender týraly habarlama joq. Mańaıda temirjol qozǵalysy úzilip, 115-shi avtoban bóligi jabyldy, dep habarlaıdy QazAqparat Deutsche Welle agenttigine silteme jasap.

Berlınniń batysyndaǵy Grıýnevald aýdanynda 4 tamyzda oq-dári men pırotehnıkalyq zattar saqtalǵan qoımada jarylys boldy. Saldarynan úlken órt shyqty. Polıtsııa ókiliniń aıtýynsha, jarylys sebebi anyqtalýda. Órt bir jarym gektar aýmaqty sharpyǵan.

Oqıǵa ornynda 100-den astam órt sóndirýshi men polıtsııa qyzmetkerleri jumys istep jatyr. Germanııa qarýly kúshteriniń basqa qyzmetteri men arnaıy kúshterinen kómek suraldy.

Ázirge zardap shekkender men qaza tapqandar týraly aqparat túsken joq. Tótenshe jaǵdaılar qyzmetiniń málimetinshe, turǵyn úılerge qaýip tónbegen. Eń jaqyn turǵyn úıler oqıǵa ornynan keminde eki shaqyrym jerde ornalasqan.

Bılik Berlın turǵyndaryn múmkindiginshe aımaqta órttiń paıda bolýyna jol bermeýge, sonymen qatar Grıýnevald ormanyna barmaýǵa shaqyrdy. Eskertýler mobıldi qosymshalar arqyly da taratylady. Kórshi aýdandardyń turǵyndaryna terezeler men esikterdi jabyq ustaýǵa jáne kondıtsıonerlerdi qospaýǵa keńes berildi.

Foto: dw.com