Berlınge jaqyn mańdaǵy túrmeden toǵyz tutqyn qashyp ketti
ASTANA. QazAqparat - Berlınge jaqyn mańdaǵy Plettsenze túrmesinen bes kúnniń ishinde toǵyz tutqyn qashyp ketti. Qashqyndardyń biri ózi berilse, bireýin polıtsııa tutqyndady. Al qalǵan jeteýine izdeý jarııalandy, dep habarlaıdy Deutsche Welle.
Oqys oqıǵa týraly seısenbi kúni Germanııa astanasynyń ádilet basqarmasynyń múshesi Dırk Berendt málim etti. Onyń aıtýynsha, tutqynnyń tórteýi turaqty kúzeti bar kamerada bolsa, qalǵan beseýi baqylaý deńgeıi tómen deńgeıdegi orynda ustalǵan. Bul abaqty asa aýyr emes jáne qoǵamǵa qaýip tóndirmeıtin qylmys jasaǵandar jazasyn óteıtin ashyq úlgidegi túrme bolǵan.
Qashqyndardyń biri keıinen qorǵaýshysyna erip kelip, bılikke óz erkimen berilgen. Ony qadaǵalaý barynsha qatań rejimdegi túrmege aýystyrdy. Taǵy bir qashqyndy polıtsııa 1 qańtarda qolǵa túsirdi.
Qalǵan jeti adamǵa izdeý jarııalandy. Olardyń kóbi urlyq, aýyr dene jaraqatyn salý, alaıaqtyq qylmystary boıynsha jazasyn ótep jatqandar. Qylmyskerler túrme aýmaǵynan ventılıatsııa tesigi arqyly qashyp shyqqan.
