Berlındik musylmandar Quran kóshirmelerin tegin taratty
ASTANA. QazAqparat - Berlın qalasynyń musylman jastarynan quralǵan belsendi top qasıetti Quran Kárimniń nemis tiline aýdarylǵan kóshirmelerin tegin taratýdy qolǵa aldy, dep habarlady www.muslim.kz.
Bul naýqan Islam dininiń shynaıy bet-beınesin tanytyp, onyń lańkestik pen zorlyq-zombylyqtan ada meıirim dini ekenin kórsetýge baǵyttalǵan.
Qasıetti Quran taratý aktsııasy jaqyn kúnderi Frankfýrt, Gambýrg jáne Bonn qalalarynda jalǵasyn tappaq. Bul qadam sońǵy ýaqyttary Eýropada kóterilip kele jatqan antııslamdyq kózqarastarǵa qarsy jasalyp otyr.
PEGIDA dep atalatyn antııslamdyq qozǵalys ótken jyly birneshe mıtıng uıymdastyryp, «Batystyń ıslamılanýyna» qarsy sharalar ótkizgen bolatyn. Osy sebepti de, nemis jastary beıbit túrde olarǵa qarsy kúres júrgizý kerek dep esepteıdi.
