Berlındegi Rojdestvo bazarynyń mańynan oq-dári tabyldy
ASTANA. QazAqparat - Berlın polıtsııasy Rojdestvo bazarynyń mańynan oqtardyń tabylýyna baılanysty dabyl qaǵyp jatyr. GFR polıtsııasy Berlınde tabylǵan oqtar partııasynyń lańkestikke eshqandaı qatysy joq ekenin málimdedi, dep habarlaıdy TASS dpa agenttigine silteme jasap.
Aldyn ala málimetterge oraı, GFR polıtsııasy «oqtardyń tabylýy lańkestik áreketterin jasaý josparymen baılanysty bolmaýy tıis, alaıda faktini túbegeıli tekserý qajet» dep málimdegen.
Bild portaly habarlaýynsha, Berlın polıtsııasy jeksenbi kúni Sharlottenbýrg aýdanyndaǵy Rojdestvo bazarynyń mańynan oqtar partııasy tabylýyna baılanysty dabyl qaqqan bolatyn. Er adam polıtsııaǵa jerasty kólik turaǵynan paketterge salynǵan 7.65 kalıbrli jańa oqtardy taýyp alǵanyn habarlaǵan.
Krımınalıster osy faktini tekserip jatyr. «Oqtardyń kimge tıesili ekeni áli anyqtalǵan joq», - deıdi polıtsııadaǵylar.
