Berlındegi lańkestikti «Islam memleketi» óz moınyna aldy

ASTANA. QazAqparat - «Islam memleketi» lańkestik toby (QR aýmaǵynda tyıym salynǵan) Berlınde bolǵan terakti úshin jaýapkershilikti óz moınyna aldy, dep habarlaıdy QazAqparat Reseı Jańalyqtary agenttigine silteme jasap.

Eske salaıyq, dúısenbi kúni keshke Berlın ortalyǵynda júk kóligi rojdestvolyq bazarǵa jınalǵan qalyń jurttyń arasymen júrip ótken bolatyn. Saldarynan 12 adam kóz jumyp, 50-den astamy aýrýhanaǵa jetkizildi.

Germanııa kantsleri Angela Merkel muny resmı túrde terakt dep tanydy.

Búgin Qazaqstan Prezıdenti Nursultan Nazarbaev A.Merkelge, qaza bolǵandardyń týystary men jaqyndaryna, sondaı-aq barsha Germanııa halqyna Qazaqstan halqynyń jáne jeke óziniń atynan kóńil aıtyp, zardap shekkenderdiń tezirek saýyǵyp ketýine tilektestik bildirdi.