Berlındegi Frantsııa, Reseı, Germanııa, Ýkraına Syrtqy ister mınıstrleriniń kezdesýi aıaqtaldy
ASTANA. QazAqparat - Berlınde Germanııa, Reseı, Frantsııa, Ýkraına Syrtqy ister mınıstrleriniń kelissózderi aıaqtaldy, dep habarlady ITAR-TASS.
Kezdesý 5 saǵatqa sozyldy. Germanııa Syrtqy ister mınıstri Frank-Valter Shtaınmaıer jıynnan soń málimdeme jasady.
Onyń aıtýynsha, birneshe pýnkt boıynsha máselede alǵa jyljý boldy, endi ony mınıstrler memleket basshylaryna baıandaıdy.
«Bul óte qajet kezdesý, Reseı, Frantsııa, Ýkraına mınıstrlerine kelip, qatysqany úshin alǵys aıtamyn. Qarýly áreketterdi qalaı toqtatamyz, sol týraly sóılestik. Uzaq talqylaý boldy. Jergilikti halyqqa gýmanıtarlyq qoldaý kórsetý - máselesi basty taqyryp», - dedi ol.
