Berlınde úsh kúndik úzilisten keıin elektr jaryǵy qaıta qosyldy
ASTANA. KAZINFORM — Bul Berlındegi sońǵy 25 jyldaǵy eń uzaq elektr energııasynyń óshirilýi boldy, ol shamamen 60 saǵatqa sozyldy, saldarynan qalanyń ońtústik-shyǵysyndaǵy 40 myńnan astam úı sharýashylyǵyn jáne 3000 kásiporyn jaryqsyz otyrdy, dep habarlaıdy DW.
Sonyń saldarynan qoǵamdyq kólik qozǵalysy toqtap, baǵdarshamdar jumys istemedi, keıbir aýdandarda uıaly baılanys pen ystyq sýǵa qatysty problemalar týyndady. Birqatar mektep sársenbi jáne beısenbi kúnderi jabylyp qaldy.
Aqaýdyń sebebi 9 qyrkúıek kúni elektr jelisine ádeıi órt qoıǵany anyqtaldy. Onyń jaýapkershiligin anarhıstik top óz moınyna aldy. «Indymedia» atty solshyl radıkaldy saıtta jarııalanǵan málimdemede bul shabýyl Adlershof aýdanynda ornalasqan tehnologııalyq kompanııalar men zertteý ınstıtýttaryna qarsy baǵyttalǵany aıtylǵan.
Tehnologııalyq parkte elektr energııasynyń óshýi zerthanalardyń jumysyna zııan tıgizgenin málimdedi. Bul zerthanalarda azyq-túlik qaýipsizdigin zertteý, epıdemııadan qorǵaý jáne qorshaǵan ortany baqylaý boıynsha jumystar júrgizilip jatqan. Rezıdent-kompanııalardyń birazy shyǵyndy az da bolsa óteý úshin demalys kúnderi jumys isteýdi josparlap otyr.
Aıta ketelik Berlınde 13 myń adam jaryqsyz otyrǵany týraly jazǵan edik.