Berlınde terakt jasaǵan Anıs Amrı úshin 100 myń eýro tigildi
BERLIN. QazAqparat - Berlındegi rojdestvolyq jármeńkede bolǵan lańkestik isi boıynsha 24 jastaǵy týnıstik Anıs Amrı resmı túrde izdeýge jarııalandy, dep habarlaıdy «QazAqparat» HAA-nyń menshikti tilshisi.
«Eger izdeýde júrgendi kórgen bolsańyz, polıtsııaǵa habarlasyńyz. Biraq qaterge ushyrap qalmańyz, sebebi ol qaýipti ári qarýlanǵan bolýy múmkin», - delingen prokýratýra taratqan málimdemede.
Prokýratýra Amrıdiń jasyrynǵan jerin nusqaǵan adamǵa 100 myń eýro kóleminde syıaqy berýge ýáde etti.
El bıliginiń málimetinshe, Anıs Amrı Germanııaǵa 2015 jyldyń maýsymynda bosqyn mártebesin surap kelgen bolatyn. Biraq onyń ótinishi qabyl alynbaǵan. Biraq kúdikti Týnıske qaıta oralmaǵan, sebebi ózimen birge tulǵasyn rastaıtyn qujattary bolmaǵan.
Eske salaıyq, dúısenbi kúni keshke júk kóligi Berlın ortalyǵyndaǵy rojdestvolyq jármeńkege jınalǵan qalyń jurttyń ortasymen júrip ótken bolatyn. 12 adam qaza bolyp, 48-i jaraqattandy. «Islam memleketi» lańkestik toby bolǵan oqıǵany óz moınyna aldy.
