Berlınde Shyńǵys Aıtmatovtyń ómiri men shyǵarmashylyǵyna arnalǵan shara ótti

ASTANA. QazAqparat - QR Jogorký Kenesh delegatsııasynyń Germanııaǵa jasaǵan saparynyń aıasynda jazýshy Shyńǵys Aıtmatovtyń ómiri men shyǵarmashylyǵyna arnalǵan kesh uıymdastyryldy, dep habarlady KırTAG Qyrǵyz Respýblıkasy Jogorký Keneshiniń baspasóz qyzmetine silteme jasap.

Berlın qalasynyń Gýmbold atyndaǵy ýnıversıtettiń Ortalyq Azııa boıynsha mamandandyrylǵan kafedrasynda keshe, 24 sáýirde QR delegatsııasynyń qatysýymen qyrǵyz jazýshysy Sh. Aıtmatovtyń ómiri men shyǵarmashylyǵyna arnalǵan shara ótti. Oǵan Gýmbold atyndaǵy ýnıversıtettiń stýdentteri men oqytýshylary, Berlındegi qyrǵyz dıasporasy, dıplomatııalyq mıssııalardyń ókilderi, Germanııa mınıstrlikteri men vedomstvolarynyń qyzmetkerleri, sondaı-aq oqyrmanda qatysty. Kesh Sh.Aıtmatov týraly qysqa derekti fılmniń kórsetilýimen bastaldy.

QR-nyń Germanııadaǵy Elshisi Bolot Otynbaev Sh.Aıtmatovtyń Qyrǵyzstan tarıhynda jáne qyrǵyz ádebıetin shet elde, sonyń ishinde Germanııada taratýdaǵy mańyzdy rólin atap ótti.

JK depýtaty K.Imanálıev Sh.Aıtmatovtyń qyrǵyz-germanııalyq mádenı yntymaqtastyǵynyń damýyna qomaqty úles qosqanyn aıtty.

Sondaı-aq bul kúni K.Imanálıevtiń «Qyrǵyzdar» kitabynyń nemis tilinde jazylǵan nusqasynyń («Kirgisen») tusaýkeseri ótti.