Berlınde saıası dırektorlar deńgeıinde Ýkraına boıynsha «normandyq formatta» kezdesý ótedi
ASTANA. QazAqparat - Reseı tarapy «normandtyq formatta» Ýkraına boıynsha berlındik kezdesýge qatysatynyn rastady, dep habarlady TASS. Germanııa astanasyndaǵy dıplomatııalyq derekkóz Ýkraına boıynsha «normandtyq formattaǵy» kezdesý 5 qańtarda Berlınde dırektorlar deńgeıinde ótetinin málim etti.
«Reseı tarapynan Berlındegi kezdesýge (5 qańtar) SІM TMD elderiniń ekinshi departamentiniń dırektory Vıktor Sorokın qatysady, - dedi agenttikten.
TASS derekteri boıynsha syrtqy ister mınıstrleriniń deńgeıindegi kezdesýi de taıaýda bolýy múmkin. Welt gazeti tórt eldiń syrtqy ister mınıstrleriniń kezdesýi ótetinin jazdy. Olar: Reseı-Sergeı Lavrov, Germanııa - Frank-Valter Shtaınmaıer, Frantsııa - Loran Fabıýs, Ýkraına - Pavel Klımkın.
Jeltoqsannyń sońynda Ýkraına prezıdenti «normandtyq formattaǵy» joǵary deńgeıdegi kezdesý Astanada 15 qańtarda ótetinin habarlaǵan bolatyn.
