Berlınde polıtsııa pyshaqpen shabýyldaǵan bosqyndy atyp tastady
ASTANA. QazAqparat - Berlın polıtseılerine sońǵy ýaqytta jıi qarý qoldanýǵa týra kelip otyr.
Berlın polıtsııasy bosqyndarǵa arnalǵan jataqhana mańynda kórshisine pyshaq ala júgirgen bosqynǵa oq atty.
Nemis BAQ derekterine sáıkes, bosqyndar arasyndaǵy janjal 27 jastaǵy azamattyń 29 jastaǵy kórshisiniń segiz jasar qyzyn zorlaǵannan keıin oryn alǵan. Bul oqıǵa týraly polıtsııa habardar bolǵan.
Polıtseıler qyzdy zorlaǵan kúdiktini ustamaq bolady. Olar jataqhanaǵa kelip, kúdiktiniń qolyna kisen salyp, kólikke alyp ketedi. Bosqyn kólikke otyra bergende jábirlenýshiniń ákesi oǵan pyshaqpen tura umtylady.
Kýágerlerdiń aıtýynsha, qyzdyń ákesi ustalǵan bosqynǵa «óltirem» dep aıǵaılaǵan. Osy sátte polıtseılerge shabýyldaǵan adamǵa qarý qoldanýǵa týra kelgen.
Osynyń saldarynan jábirlenýshiniń ákesi birneshe aýyr jaraqat alady da birneshe saǵattan keıin aýrýhanada kóz jumady. Kúdikti polıtsııada qalady.
Sońǵy ýaqytta polıtseılerge jıi qarý qoldanýǵa týra kelip júr. Qyrkúıektiń basynda polıtseıler qabaǵan ıtin óltirmekshi bolǵan adamdy abaısyzda atyp tastady. Tamyzda polıtsııa qolynan júrginshige ses kórsetken bir adam oqqa ushty.
