Berlınde namysty bermegen sportshylarymyz elge jeńispen oraldy (FOTO)

Jarysqa álemniń 38 memleketinen jáne Germanııanyń 55 sport klýb komandasynan jalpy 455 úzdik júzýshi qatysty. Atalǵan chempıonatta eýropalyq jáne basqa da memleketterdiń jýzýshileri óz kórsetkishterin jaqsartyp, 2016 jyldyń 8-17 qyrkúıegi aralyǵynda Rıo-de-Janeıro qalasynda ótetin XV jazǵy Paralımpıalyq oıyndaryna daıyndyqtyryn synaýǵa jaqsy múmkindik aldy.

Qazaqstan Respýblıkasynyń namysyn paralımpıalyq ulttyq qurama komanda sapyndaǵy 6 jetekshi sportshy qorǵady.

Olar: on bir dúrkin álem rekordyn jańartýshysy, 2013 jylǵy Álem chempıonatynyń kúmis jáne qola júldegeri, 2015 jylǵy Álem chempıonatynyń eki dúrkin qola medaliniń ıegeri, 2011, 2013 jáne 2015 jylǵy Búkilálemdik oıyndarynyń jeńimpazy, 2016 jyldyń Eýropa chempıony Zýlfııa Gabıdýllına (Jambyl oblysy), 2015 jylǵy Álem chempıonatynyń qola júldegeri Ánýar Ahmetov (Astana qalasy),  Roman Agalakov (Ońtústik Qazaqstan oblysy), Erjan Sálimgereev (Atyraý oblysy), Andreı Afanasev (Qaraǵandy oblysy) jáne Nýrlan Baıserkeev (Jambyl oblysy).

Jarys qorytyndysy boıynsha Qazaqstannyń qurama komandasy tómendegi júldeli oryndardy ıelendi:

Jambyl oblysynyń sportshysy Zýlfııa Gabıdýllına (jattyqtyrýshysy Sattar Beısembaev) bes (5) qashyqtyqqa qatysyp, óziniń S3 klasynda 50 metrge erkin júzýden  43,08 kórsetkishpen álem rekordyn jańartyp, birinshi oryndy utyp aldy. 50 brass júzýinde 01:26.60 kórsetkishpen kúmis medaldy utty. Al 100 metr erkin júzý qashyqtyqta  01:37.64 kórsetkishpen Zýlfııa altyn osy jarystaǵy ekinshi medaldy ıelendi.  200 metrge erkin júzýde 03:27.16 kórsetkishpen chempıonattyń rekordyn jańartyp, óz klasynda taǵy da jeńimpaz atandy.

Erjan Sálimgereev úsh qashyqtyqqa qatysyp, 50 metirlik batterflıaı júzýinde 00:33.61 kórsetkishpen S6 klasynda birinshi oryndy utyp aldy. Al Roman Agalakov  bes qashyqtyqqa qatysyp, óziniń S13 klasynda 100 metrlik batterflıaı júzýinde 01:01.18 kórsetkishpen - 1 oryndy, 50 metrlik batterflıaıda 00:26.87 kórsetkishpen chempıonattyń rekordyn jańartyp, birinshi oryn aldy. Sonymen qatar 200 metr keshendi júzýinde (kompleks) 02:28.01 kórsetkishpen úshinshi oryndy ıelendi.

Taǵy bir otandasymyz Anýar Ahmetov  bes qashyqtyqqa qatysyp, óziniń S12 klasynda 100 metr brass júzýinde 01:10.78 kórsetkishpen  ekinshi oryndy, 100 metr erkin júzýde 00:58.82 kórsetkishpen ekinshi orynǵa,  50 metr erkin júzýde 00:26.08 kórsetkishpen úshinshi orynǵa taban tiredi. Al 200 metr keshendi júzýinde (kompleks) 02:30.38 kórsetkishpen taǵy da úshinshi oryndy ıelendi.

Chempıonattyń erejesine sáıkes aldyn ala jarysýynda eń úzdik  kórsetkishter kórsetken sportshylar A fınalǵa shyǵyp 1-14 klasstar arasynda jarysty. ıAǵnı, Qazaqstan Respýblıkasynyń halyqaralyq dárejedegi sport sheberi Zýlfııa Gabıdýllına úzdikter qatarynan kórinip, jalpy barlyq klasstar arasyndaǵy jarysta 200 metr erkin júzý qashyqtyqtyń  A fınalynda 943 upaımen úshinshi oryndy utyp alsa, 100 metr erkin júzýde 938 upaımen jáne 50 metr erkin júzý 1032 upaımen  eki kúmis medal utyp aldy.

Qorytyndysynda, Qazaqstannyń qurama komandasynyń qorjynyna jeke klasstar boıynsha 6 altyn medal, 3 kúmis jáne 3 qola medal tústi.

Al, absolıýttik jarysta eki kúmis, bir qola medal ıelendi. Bul óte joǵary nátıje bolyp tabylady! Demek, Rıo Paralımpıdasynda bizdiń sportshylardan joǵary nátıje kútýge bolady degen sóz.

        

Kúnsultan OTARBAI