Berlınde murajaılar túni ótti
BERLIN. QazAqparat - Berlınde 80 mýzeı men galereıalar jáne mádenı ortalyqtar kelýshilerge esigin aıqara ashty. Olardyń arasynda nemis tarıhı mýzeıi, kınematografııa men medıtsına murajaıy sekildi iri nysandar bar, dep habarlaıdy 24.kz.
Sondaı-aq tyńshylyqqa, samýraılarǵa tipti nemis shujyǵyna arnalǵan asa tanymal emes, taqyryptyq mýzeıler de bar. Bul túni kelýshiler 18 eýroǵa bir bılet alyp, onymen murajaılardyń bárin aralap shyǵa aldy. Tek jabylatyn merzimi - saǵat túngi ekige deıin úlgerý kerek.
Aıta keteıik, bul - Berlınde ótkiziletin eń basty mádenı sharalardyń biri. Bıyl osymen otyz segizinshi márte uıymdastyrylyp otyr. Onda 30 myńnan asa bılet satylypty.
«Biz osy sharaǵa birneshe márte qatysqanmyz. Tipti búgin Gambýrgtan qurbym kelgen. Mýzykalyq aspaptar murajaıyna baryp, kontsertti tamashaladyq. Onda turǵan úlken organ qatty áser etti. Tyńshylar mýzeıinde de boldyq. Berlındegi murajaılardyń alýan túrligi maǵan unaıdy. Ózim tarıh muǵalimi bolǵandyqtan, osynyń bárine qyzyǵamyn»,- deıdi Berlın turǵyny ıAsmın.
Sonda-aq osy qala turǵynynyń biri Hensheniń aıtýynsha, murajaılar túnine alǵash ret keldik.
«Ázirshe birneshe kórmeni aralap úlgerdik. Shujyq, telekommýnıkatsııalar jáne tyńshylar mýzeılerine baryp qaıttyq. Halyq kóp bolǵanyna qaramastan, bizge óte unady»,- deıdi ol.
