Berlınde meteobaqylaý júrgizýdiń sońǵy 100 jylynan sál astam ýaqyttyń ishinde naýryz aıynyń eń joǵary temperatýrasy tirkelgen
ASTANA. 18 naýryz. QazAqparat - 16 naýryzda nemis astanasynda meteobaqylaý júrgizýdiń 100 jylynan astam ýaqytyndaǵy naýryz aıynyń eń joǵary temperatýrasy tirkelgen.
Meteorologtardyń habarlaýynsha, synap baǵanalary osynda, sondaı-aq Brandenbýrg federaldyq jerinde 22 gradýsqa deıin joǵarylaǵan.
Osylaısha, juma 1909 jyldan beri júrgizilip otyrǵan meteobaqylaýdyń bastalýynan beri naýryzdyń eń jyly kúnine aınaldy. Buǵan deıingi joǵary kórsetkish 2005 jyldyń 16 naýryzynda, synap baǵanalary 18,4 gradýs jylylyqty kórsetkende tirkelgen.
Meteorolog mamandar jeksenbige qaraı Berlınde kún raıy 13 gradýsqa deıin tómendep, jańbyr jaýatynyn atap ótedi.
