Berlınde Labýbý oıynshyqtaryn satatyn dúkenniń ashylýyna júzdegen adam jınaldy
ASTANA. KAZINFORM – Germanııa astanasy Berlınde Qytaıdyń Pop Mart kompanııasy óndiretin tanymal Labýbý oıynshyqtaryn satatyn alǵashqy dúken ashyldy. Bul týraly DW habarlady.
Dúken ashylar aldynda júzdegen adam kezekke turyp, keıbiri tipti ózimen birge jınalmaly oryndyq ákelip, saǵattap kútken.
Pop Mart kompanııasynyń oıynshyqtaryna suranystyń artýyna sebep – olardyń oramasynyń ishin kóre almaý: satyp alýshy qandaı Labýbý nusqasyn alǵanyn tek qorapty ashqanda ǵana biledi. Qazirgi tańda bul jumsaq oıynshyqtardyń 300-den astam túri bar.
Labýbý keıipkerin gonkongtik sýretshi Kasıng Lýng oılap tapqan. Ol alǵash ret 2015 jyly skandınavııalyq mıfologııadan shabyt alǵan úsh ıllıýstratsııalyq kitapta paıda bolǵan. 2019 jyly avtor Pop Mart kompanııasymen seriktestik ornatyp, oıynshyq óndirisi jolǵa qoıyldy.
2024 jyly Pop Mart kompanııasynyń kirisi 2023 jylmen salystyrǵanda eki eseden asa ósip, 1,55 mlrd eýrony qurady. Sonyń ishinde Labýbý oıynshyqtarynan túsken tabys 1200%-ke ósip, jalpy túsimniń 22%-yn qurady.
Aıta keteıik, buǵan deıin de qytaılyq oıynshyq óndirýshi Labubu-dyń naryqtaǵy quny «Gazpromnan» asyp túskeni habarlandy.
Labubu-Hype in Berlin: Am Freitag eröffnet im Alexa um 10 Uhr der erste Pop Mart-Store. Schon am Morgen stellen sich zahlreiche Menschen an, um eine der begehrten Plüschtier-Figuren zu ergattern. pic.twitter.com/Qe6fY1hP4t
— Berliner Zeitung (@berlinerzeitung) July 25, 2025