Berlınde kólik júrgizýshisi bir top adamdy qaǵyp, bir adam kóz jumdy
ASTANA. KAZINFORM — Berlındegi praıd kezinde kólik júrgizýshisi bir top adamdy qaǵyp ketti. Jol apatynan bir adam qaza taýyp, 14 adam jaraqat aldy, dep habarlaıdy BILD.
Oqıǵa jergilikti ýaqyt boıynsha saǵat 22:00 shamasynda Tırgarten saıabaǵyna jaqyn Lenneshtrasse kóshesiniń mańynda bolǵan. Kýágerdiń aıtýynsha, aq tústi fýrgon joǵary jyldamdyqpen adamdardyń arasyna kirip ketken. Jedel qyzmetter jappaı oqıǵa kezindegi jumys rejımine kóshirildi.
Christopher Street Day — Berlındegi praıd aıasynda josparlanǵan barlyq is-shara merziminen buryn toqtatyldy. Týnnelge kireberis mańynda ornalasqan oqıǵa ornyna jedel járdem brıgadalary tez jetti. Sondaı-aq bul aýmaqta polıtsııanyń qomaqty kúshteri jumyldyryldy.
Polıtsııa yqtımal kúdiktilerdi izdestirip jatyr. Kýágerler er adamnyń kólikten sekirip túsip, oqıǵa ornynan qashyp ketkenin kórgenderin aıtty.
Aıta keteıik, Germanııa elektrosamokat júrgizýshilerine qoıylatyn talaptardy kúsheıtpek.
