Berlınde Qazaqstannyń jemqorlyqqa qarsy saıasaty túsindirildi
BERLIN. QazAqparat - Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaev Berlınde Transparency International halyqaralyq uıymynyń ókilderimen kezdesti, dep habarlaıdy «QazAqparat» HAA menshikti tilshisi.
Shpekbaev Transparency International-dyń zertteý baǵdarlamalarynyń dırektory Koralı Prıng pen burynǵy vıtse-prezıdenti Vırdjınıo Kýllýdandy Qazaqstan saıasaty men para alýmen kúresti kúsheıtýdiń negizgi baǵyttarymen tanystyrdy.
«Elimizdegi sybaılas jemqorlyqpen kúres agenttigi basymdylyqty jazalaý sharalaryna emes, túsindirý jáne aldyn alýǵa, sondaı-aq, qoǵamdaǵy «turmystyq sybaılas jemqorlyqty» tamyrymen joıýǵa negizdeıdi. Bul baǵytta shet memleketterdiń tájirıbesin tereń zerdeleýdemiz», - dedi Shpekbaev.
Sondaı-aq, sybaılas jemqorlyqqa qarsy kúres jónindegi úkimettik emes halyqaralyq uıym qyzmetkerlerimen kezdesýge Germanııadaǵy QR Elshisi Bolat Núsipov jáne Transparency International-tiń Qazaqstandaǵy aımaqtyq ókili Natalıa Kovaleva qatysty.
