Berlınde Qazaqstandaǵy saıası reformalar talqylandy
ASTANA. QazAqparat - Berlınde Qazaqstan Elshiligi QR Prezıdenti Nursultan Nazarbaev bastamashylyq etken konstıtýtsııalyq reformalardy jáne Memleket basshysynyń 31 qańtardaǵy «Qazaqstannyń úshinshi jańǵyrýy: jahandyq básekege qabilettilik» Joldaýynyń negizgi erejelerin túsindirý maqsatynda qoǵamdyq-saıası ortanyń ókilderi, dıplomattar, saıasatkerler, sarapshylar jáne Germanııa BAQ ókilderi úshin baspasóz máslıhatyn ótkizdi.
GFR-degi QR Elshisi Bolat Núsipov óz sózinde Qazaqstan 25 jyl ishinde Táýelsizdikti alý sátinen nyq ekonomıkany, turaqty saıası júıeni jáne órkendeýshi qoǵamdy qurǵanyn atap ótti, bul memleketke saıası júıeniń reformalanýyna kóshýge múmkindik beredi. Qazaqstandyq dıplomat konstıtýtsııalyq reformany engizý jolymen bıliktiń qaıta bólinýi Qazaqstannyń demokratııalyq damýyn tezdetýge baǵyttalǵanyn aıtty.
«100 naqty qadam» Ult josparyn iske asyrýdyń kelesi kezeńi bolyp tabylatyn Memleket basshysynyń qańtardaǵy Joldaýynyń negizgi erejelerine asa nazar aýdaryldy.
Baspasóz máslıhaty qatysýshylarynyń jalpy pikirlerinshe, Qazaqstan Prezıdenti Nursultan Nazarbaevtyń bılik tarmaqtary arasyndaǵy ókilettilikti qaıta bólý máseleleri boıynsha Úndeý demokratııalyq protsesti nyǵaıtýdaǵy mańyzdy qadam bolyp tabylady. Olardyń pikirleri boıynsha, atalǵan bastamalar óte ýaqtyly jáne memlekettiń odan ári ekonomıkalyq damýy men halyqtyń ál-aýqatynyń ósýin qamtamasyz etý úshin mańyzdy.
Baspasóz máslıhatynyń sońynda Qazaqstan Elshisi 25 jylda qazaqstandyq-germanııalyq ekijaqty qatynastyń ózekti aspektilerine qatysty nemis aýdıtorııasyn qyzyqtyratyn suraqtarǵa jaýap berdi, sonymen birge olardy BUU QK turaqty emes músheligi kezindegi Qazaqstannyń basymdyqtaryn, Astanadaǵy «EKSPO - 2017» halyqaralyq kórmesi jáne ózge de mańyzdy halyqaralyq bastamalarmen tanystyrdy.
