Berlınde Qazaqstan-Germanııa saýda-ekonomıkalyq yntymaqtastyǵy talqylanady
NUR-SULTAN. QazAqparat - Berlınde Qazaqstan men Germanııa arasyndaǵy saýda-ekonomıkalyq yntymaqtastyq máselesi talqylanady. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«11 sáýirde Berlınde Qazaqstan men Germanııa arasyndaǵy saýda-ekonomıkalyq yntymaqtastyq jónindegi úkimetaralyq jumys tobynyń 12-shi otyrysy ótedi. Іs-sharada Qazaqstan delegatsııasyn Syrtqy ister mınıstriniń orynbasary Ermek Kósherbaev basqarady», - dedi resmı ókil.
Onyń atap ótýinshe, otyrys barysynda taraptar Qazaqstan Syrtqy ister mınıstri Beıbit Atamqulovtyń 2019 jyly Germanııaǵa josparlanyp otyrǵan sapary aıasynda saýda-ekonomıkalyq jáne ınvestıtsııalyq yntymaqtastyqtyń barysy men perspektıvalaryn, sonyń ishinde eki el arasyndaǵy yntymaqtastyqty tereńdetý boıynsha «Jol kartasyn» daıyndaý máselesin talqylaıdy.
«Sonymen qatar Qazaqstan delegatsııasy is-shara aıasynda Germanııa Parlamentiniń depýtattarymen, German ekonomıkasynyń shyǵys komıtetimen, Germanııa Ekonomıkalyq yntymaqtastyǵyn alǵa jyljytý qoǵamymen kelissózder ótkizetindigi josparlanǵan», - dedi A.Smadııarov.
