Berlınde Halyqaralyq Naýryz kúni atap ótildi
ASTANA. 30 naýryz. QazAqparat - Berlınniń Memlekettik etnologııalyq murajaıynda Qazaqstan, Ázirbaıjan, Aýǵanstan, Iran, Qyrǵyzstan, Pákistan, Tájikstan, Túrkimenstan, Túrkııa jáne Ózbekstan Elshilikteriniń uıymdastyrýymen Naýryz meıramy atap ótildi.
Kóktemgi merekege 1 myńǵa jýyq qonaq qatysty, olardyń ishinde Federaldyq úkimet pen Býndestag ókilderi, qoǵamdyq-saıası jáne iskerlik qurylymdar qyzmetkerleri, dıplomatııalyq korpýs músheleri, sondaı-aq saraptamalyq jáne jýrnalıstik toptar boldy.
Naýryz meıramyn merekeleý erekshelikteri týraly jarqyn áńgimeleýmen qatar, saltanat aıasynda qonaqtarǵa halqymyzdyń qaıtalanbas ónerpazdyǵy men baı mádenı murasyn sińirgen biregeı ulttyq kıimder men áshekeıler, turmys zattary men buıymdar, ónegeli salt-dástúr pash etildi.
Salatanatty shara sheńberinde dástúrli merekelik kontsert ótkizilip, onyń aıasynda on eldiń oryndaýshylary men folklorlyq-etnografııalyq ansamblderi talǵampaz kórermenderge ózderiniń ónerlerin usyndy.
Folklor elementteri men shıraq oryndaýshylyq sheberin úılesimdi sabaqtastyra otyryp, jas nemister qazaq ulttyq aspaptarynyń umytylmas dybystaryn pash ete aldy. Uly Abaı shyǵarmalary negizindegi qazaq áýenderi men ánderiniń jarqyn gammasy, sondaı-aq «Jar-jar» ulttyq úılený saltynyń sahnalandyrylǵan qoıylymy merekeniń shyraıyn asha tústi.
Qonaqtarǵa Qazaqstannyń 2050 jylǵa deıin damý Strategııasyna, Astanada EHRO-2017 Dúnıejúzilik kórmeniń ótkizilýine, sondaı-aq elimizdiń Táýelsizdik jyldaryndaǵy jetistikterine arnalǵan materıaldar toptamasy usynyldy.
Shara BUU Bas Assambeıasynyń 21 naýryzdy Halyqaralyq Naýryz kúni dep ataǵan qararynyń iske asyrylýyna qosylǵan naqty qadam boldy. Atalmysh qararda BUU-ǵa múshe memleketterge halyqtar arasyndaǵy rýhanı kelisimdi, dostastyq pen beıbitshilikti nyǵaıtý maqsatynda osy ejelgi mereke týraly ilimderdi taratýǵa kúsh salý usynylǵan bolatyn.
