Berlınde bomba tabylyp, 7 myńnan astam turǵyn evakýatsııalandy
BERLIN. QazAqparat - Berlınniń 7500 turǵyny senbi kúni Ekinshi dúnıejúzilik soǵys kezinen qalǵan bombanyń tabylýyna baılanysty óz úılerin tastap shyǵýǵa májbúr boldy, dep habarlaıdy QazAqparat The Berlin Spectator saıtyna silteme jasap.
Salmaǵy 250 keli snarıadty Berlınniń Kroıberg aýdanynda qurylys jumystaryn júrgizý barysynda tapqan. Mamandar bombany bir kún ishinde zalalsyzdandyrýdy kózdep otyr. Evakýatsııa jergilikti ýaqyt boıynsha saǵat 08:00 bastaldy. Tanystaryna nemese týysqandaryna bara almaǵan azamattarǵa ýaqytsha baspana usynyldy.
Snarıadty zalalsyzdandyrýǵa baılanysty qaladaǵy qoǵamdyq kólik, onyń ishinde metro men avtobýs qozǵalysy shekteldi.
