Berlınde belgisiz bireýler ınkassator kóligine shabýyl jasaǵan
NUR-SULTAN. QazAqparat – Berlındegi Vılmersdorf aýdanynda belgisiz úsh adam ınkassatorǵa shabýyl jasaǵan, dep habarlaıdy QazAqparat nemistiń Der Tagesspiegel gazetine silteme jasap.
Aldyn ala málimet boıynsha, shabýyl jasaǵandar oqıǵa ornynan qashyp úlgergen. Berlın polıtsııasy Twitter-de bank bólimsheleriniń biriniń mańynda ınkassatorǵa shabýyl jasalǵanyn rastap, Býndesplats alańy mańyna jaqyndamaýǵa shaqyrdy. Qazir ol aýmaqty avtomat asynǵan polıtseıler qorshaýǵa aldy. Qaskúnemderdi izdeý jáne ustaý úshin arnaıy operatsııa bastaldy. Sonymen qatar, tártip saqshylary jergilikti turǵyndardan abaı bolýdy ótindi. Sebebi qashyp ketken qylmyskerler qarýlanǵan ári qaýipti bolýy múmkin.
Atys kezinde bir adam jaralanyp, aýrýhanaǵa jatqyzyldy.
Oqıǵanyń anyq-qanyǵy tekserilip jatyr.
