Berlınde B.Saǵyntaev sý máselelerin retteý boıynsha Qazaqstan bastamasy týraly aıtty
ASTANA. QazAqparat - QR Premer-Mınıstriniń birinshi orynbasary Baqytjan Saǵyntaev GFR Federaldyq Syrtqy ister mınıstri Frank-Valter Shtaınmaıerdiń shaqyrýymen Berlınde «Sý jáne Ortalyq Azııadaǵy tatý kórshilik qatynastar» konferentsııasyna qatysty.
QR Premer-Mınıstri baspasóz qyzmetiniń habarlaýynsha, konferentsııanyń jumysyna sondaı-aq, Eýroodaq, Ortalyq Azııa elderiniń ókilderi, ǵalymdar, halyqaralyq sarapshylar qatysyp otyr.
Konferentsııada sóz sóılegen Baqytjan Saǵyntaev Qazaqstanda sońǵy on jyldyń ishinde sý máselelerin retteýdiń normatıvtik bazasy damý ústinde ekendigin, sý resýrstaryn basqarýdyń memlekettik baǵdarlamasy, Araldy qutqarý boıynsha sharalar qabyldanyp jatqanyn atap ótti. Qazaqstannyń taǵy bir bastamasy memleketaralyq sý sharýashylyǵyn úılestirý komıssııasy, «Syrdarııa» men «Ámýdarııa» basseınindegi sý sharýashylyǵy birlestikteri jumysynyń tıimdiligin arttyrýǵa baǵyttalǵan.
