Berlınde atyraýlyq paralımpıadashylar 6 medal enshiledi
ATYRAÝ. QazAqparat - 8-11 maýsym aralyǵynda Germanııanyń Berlın qalasynda parajúzýden álem kýbogy ótti. Saıysqa 55 elden 700-den astam sportshy qatysty, dep habarlaıdy QazAqparat tilshisi.
Aıta ketý kerek, buǵan deıin jarystyń alǵashqy kúni Erjan Sálimgereevtiń 100 metrde batterflıaı ádisimen júzýde chempıon atanǵanyn jazǵan bolatynbyz. Endi Erjan 50 metrde batterflıaı ádisimen júzýde kúmis jáne 50 metrde erkin ádispen júzýde qola medalǵa ıe boldy. Osylaısha atyraýlyq sportshy álem kýbogynda medaldar komplektin jınap otyr.
Taǵy bir jerlesimiz Dmıtrıı Lı Qazaqstan ulttyq quramasy sapynda estafetalyq saıysta chempıon atandy. 200 metrde keshendi júzýde kúmis júldege qol jetkizdi.
Onymen qosa jarystyń alǵashqy kúni 200 metrde erkin ádispen júzýde kúmis júldege ıe boldy.
Endigi sportshylarymyzdyń mejesi qyrkúıek aıynda Indonezııa elinde ótetin jazǵy Azııa oıyndary bolmaq.
