Berlınde AstraZeneca vaktsınasyn qoldanýǵa shekteý qoıyldy
NUR-SULTAN. QazAqparat – Germanııanyń Berlın federaldy jeri GFR-da patsıentterde bolǵan jańa tromboz jaǵdaılarynan keıin AstraZeneca kompanııasynyń vaktsınasyn qoldanýdy toqtatady. Seısenbide Berlın senatynyń ókili málimdegendeı, bul shara 60 jasqa tolmaǵan azamattarǵa qatysty, dep habarlaıdy QazAqparat DPA-ǵa silteme jasap.
Buǵan deıin Berlındegi Charite jáne Vivantes klınıkalarynyń jelileri AstraZeneca-ny qoldanýdy shektegenin habarlady.
Naýryzda EO-nyń birneshe eli, sonyń ishinde Germanııa AstraZeneca kompanııasynyń vaktsınasyn qoldanýdy toqtatty, biraq birneshe kúnnen keıin Eýropanyń dári-dármekter agenttigi ony qoldanýdyń paıdasy yqtımal qaýipterden asyp túsedi degen qorytyndyǵa keldi. Agenttik preparat qaýipsiz jáne tıimdi dep sendirdi.
Aıta keteıik, buǵan deıin AstraZeneca vaktsınasynyń ataýy Vaxzevria bolyp ózgergenin habarlaǵan edik.
