Berlınde 13 myń adam jaryqsyz otyr

ASTANA. KAZINFORM — Berlınniń ońtústik-shyǵys bóliginde myńdaǵan adam úshinshi kún qatarynan jaryqsyz otyr, dep habarlaıdy DW.

Bul sońǵy 25 jyldaǵy eń uzaqqa sozylǵan elektr qýatynyń óshýi.

9 qyrkúıekte Iohannıstal jáne Kenıgshaıdeveg aýdandaryndaǵy joǵary voltty jelilerde órt shyqqannan keıin 40 myńnan astam úı sharýashylyǵy men 3000 kásiporyn elektr qýatynan ajyratyldy. Qoǵamdyq kólik toqtap qaldy, baǵdarshamdar jumys istemedi, keıbir aýdandarda uıaly baılanys máseleleri týyndady.

Sársenbi keshke ýaqytsha ornatylǵan qosalqy jeli isten shyqty. Saldarynan shamamen 20 myń tutynýshy qaıtadan ýaqytsha jaryqsyz qaldy. Qazirgi ýaqytta olardyń sany 13 700-ge deıin qysqardy. Elektr qýaty 11 qyrkúıekte qaıta qosylady dep josparlanyp otyr.

Die Welt gazetiniń jazýynsha, Berlındegi elektr jelilerin órtegenin anarhıstik top óz moınyna aldy. «Indymedia» atty solshyl radıkaldy saıtta jarııalanǵan málimdemede shabýyl Adlershoftaǵy tehnologııalyq kompanııalar men ǵylymı-zertteý ınstıtýttaryna qarsy baǵyttalǵany aıtylǵan. 

Aıta ketelik Berlınde 40 myń úı jaryqsyz qalǵany týraly jazǵan edik.