Berlın tóńiregin shýlatqan jabaıy ań arystan emes, qaban bolyp shyqty

ASTANA. QazAqparat – Beısenbi, 20 shilde kúni túnde polıtsııa Berlın mańynda bir arystan bos júrgeni týraly aqparat taratty. Oǵan jergilikti turǵyndar túsirip alǵan, qanshyrǵa (arystannyń urǵashysy) uqsaıtyn ań beınelengen vıdeo sebep boldy, dep habarlaıdy QazAqparat Deusche Welle basylymyna silteme jasap.

Degenmen 20 shilde túnde túsirilgen vıdeony muqııat qaraǵan kezde, aǵashtar arasynan qandaı da bir ańnyń arqasy men quıryǵynyń bir bóligi kórinip tur.

Vıdeony taldaı kele, bul arystan emes qaban degen tujyrym jasaldy.

Osyǵan baılanysty keıingi táýlik izdeý jumystary júrgizilip jatqan Berlın mańyndaǵy Klıaınmahnov qalasynda keshe baspasóz konferentsııasy ótti.

Klıaınmahnov meri men polıtsııa aǵa basshysy túske qaraı ańdy izdeý jumysy aıaqtalǵanyn málimdedi. Ańnyń izi anyqtalmady, al kórsetilgen jerden tek eki qaban tabyldy.

Shý týdyrǵan vıdeo taldanyp, BAQ-qa taratylýy kerek. Taldaý sarapshylardyń kómegimen júrgizildi. Eki maman ol – jabaıy qaban ekenin «anyqtaǵan tárizdi».

Olardyń pikirinshe, janýardyń quıryǵy arystandyki sekildi qozǵalmaǵan. Polıtsııa endi turǵyndarǵa qaýip tónip turǵan joq deıdi.

Buǵan deıin Berlınde ekinshi táýlik qatarynan jabaıy ań izdestirilip jatqanyn habarlaǵan bolatynbyz.