Berlın sahnasynda qazaqstandyq kompozıtorlardyń týyndylary shyrqaldy
ASTANA. QazAqparat - Qazaq ulttyq óner ýnıversıtetiniń sımfonııalyq orkestri Germanııada klassıkalyq mýzyka festıvaline qatysty. Young Euro Classic dep atalatyn álemge áıgili sharada bilim oshaǵy alǵash ret óner kórsetti, dep habarlaıdy 24.kz telearnasy.
Sahna tórinde qazaqstandyq kompozıtorlardyń biregeı týyndylary shyrqalyp, dúıim jurt tańyrqaı qol soqty. Qazaqstannyń halyq ártisi Aıman Musaqojaeva bastaǵan kontsertti tamashalýǵa, Býndestag depýtattary men dıplomattar, saıasatkerler men sarapshylar jınaldy. Kórermender arasynda ıne shanshar oryn bolmady. Elimizdiń óner ujymy sımfonııalyq árbir shyǵarmany asqan shabytpen oryndap, sheberlikterin pash etti.
Aıta ketken jón, Young Euro Classic festıvali bıyl 17 ret ótkizildi. Bul joly oǵan álemniń 1500-ge tarta ónerpazy qatysty.
«Qazaq mýzykasy qashanda Eýropany tańqaldyrady. Sebebi ulttyq aspaptarymyzdyń dybysy, áýenderi, energetıkasy kez-kelgen kórermendi elitip áketedi. Endi Qazaqstan men Germanııa stýdentteri qosylyp, shyǵarmashylyq kesh ótkizgimiz keledi», dedi QR Halyq ártisi Aıman Musaqojaeva.
