Berlın men London qorǵanys jáne mıgratsııa salasynda kelisimge keldi
ASTANA. KAZINFORM – Germanııa kantsleri Frıdrıh Merts alǵashqy resmı saparymen Londonǵa keldi, dep habarlaıdy Kazinform agenttiginiń menshikti tilshisi.
Ulybrıtanııa premer-mınıstri Kır Starmer men Frıdrıh Merts Ulybrıtanııanyń EO-dan shyqqannan keıin eki el arasyndaǵy baılanysty nyǵaıtýǵa baǵyttalǵan 27 betten turatyn kelisimge qol qoıdy.
Kelisimniń birqatar bóliminde AQSh-tyń NATO-ǵa degen kózqarasynyń ózgerýi aıasynda Ulybrıtanııa men Germanııa arasyndaǵy yntymaqtastyqty tereńdetý qajettiligi atap ótilgen.
Kır Starmer Ulybrıtanııa men Germanııa zańsyz mıgratsııaǵa qarsy kúreske baıyppen qaraıtynyn málimdep, adamdardy zańsyz jolmen ótkizýmen aınalysatyn toptarǵa qarsy kúres jáne shaǵyn qaıyqtardy ustaý boıynsha Mertstiń ýádelerin quptady.
Kelisimde sondaı-aq qaýipsizdik pen qorǵanys, ekijaqty saýda jáne ǵylymı zertteýler salasyndaǵy yntymaqtastyqqa qatysty birqatar ózge mindetteme de qamtylǵan.
Kelesi aıdan bastap Ulybrıtanııanyń keıbir pasport ıeleri Germanııadaǵy elektrondy shekaralyq baqylaý júıesin (e-gates) paıdalana alady. Al aldaǵy onjyldyqta mektep oqýshylarynyń saparlary men temirjol qatynasyna baılanysty birqatar jańa erejeler kúshine enedi.
Qujatqa Ulybrıtanııa men Germanııa arasyndaǵy tarıhı baılanystardy aıqyndaı túsý úshin arnaıy tańdalǵan Londondaǵy Vıktorııa jáne Albert murajaıynda qol qoıyldy.
Aıta keteıik, Germanııa alty aılyq áskerı qyzmetti engizýdi josparlap otyr.