Berlın mańynda arystan kózge túsken, polıtsııa ańdy taba almaı álek
Berlınnen ońtústik-batysqa qaraı ornalasqan sýly da nýly aýyl turǵyndary qanshyrdy (arystannyń urǵashysy) óz kózderimen kórgen. Jergilikti eki turǵyn jyrtqysh ańnyń kishirek janýardy, boljam boıynsha qabandy qýyp bara jatqanyna kýá bolady. Osyndaı habar alǵan Brandenbýrg aımaǵynyń polıtsııasy dabyl qaǵyp, jabaıy ańdy izdeýge kirisedi jáne turǵyndardy úıden shyqpaýǵa shaqyrdy.
Іzdeý operatsııasyna jedel qyzmettiń júzge jýyq qyzmetkeri tartylǵan, olarǵa eki kúzetshi men veterınar kómektesedi. Tikushaq, dron men jylý sezgish kameralar paıdalanylyp jatyr.
Al, bılik oryndarynyń habarlaýynsha, nemistiń birde-bir tsırk, haıýanattar baǵy nemese janýarlarǵa arnalǵan turaǵynda qanshyr joǵalǵany týraly aqparat bolmaǵan.
Degenmen, ańnyń aǵashtar arasynda júrgenin túsirip alǵandar da bar.
