Berlın kınofestıvaliniń «Kúmis aıý» júldesin qazaqstandyq kınooperator jeńip aldy
ASTANA. 17 aqpan. QazAqparat - 63-shi Berlın kınofestıvaliniń «Altyn aıý» bas júldesine Kalına Pıter Netserdiń «Balanyń álpeti» atty rýmyn kartınasy ıe boldy, dep habarlady RBK.
Fılm sıýjeti otbasylyq ómirge qurylǵan: bas keıipker áıeldiń uly túrmege túspek. Týystardyń osy qıyn sáttegi qatynastary rýmyn qoǵamnyń joǵarǵy jikteriniń ómir saltymen órilgen. Berlın kınofestıvaliniń úzdik rejıssýraǵa júldesi amerıkandyq Devıd Gordon Grınge «Kóshkinder ámirshisi» fılmine berildi. Úzdik stsenarıı júldesine ırandyq Djafar Panahı «Jabyq shymyldyq» fılminiń ádebı negizin jasaǵany úshin laıyqty dep tabyldy. Reseılik Borıs Hlbenıkovtiń «Uzaq baqytty ómir» kınokartınasy qazylar tarapynan eleýsiz qaldy.
Festıvaldi uıymdastyrýshylardyń «Kúmis aıý» júldesi asa kórnekti jetistikteri úshin qazaqstandyq operator Ázız Jambaqıevke «Úılesim sabaqtary» fılmine buıyrdy. Kartınanyń rejısseri Emır Baıǵazın, fılmdi shyǵarǵan Sháken Aımanov atyndaǵy "Qazaqfılm" AQ. Qazaq kınematografısteri Berlın festıvalinde mundaı marapatqa alǵash ret qol jetkizip otyr.
