Berlın halqy 4 mıllıon adamǵa jaqyndady

ASTANA. KAZINFORM — Germanııa astanasynda 2025 jylǵy 31 jeltoqsandaǵy jaǵdaı boıynsha 3 913 644 adam turady — 4 mıllıondyq mejege jetý úshin shamamen 87 myń adam ǵana jetispeıdi, dep habarlaıdy BILD. 

Bul aldyńǵy jylmen salystyrǵanda halyq sanynyń 16 500 adamǵa artqanyn kórsetedi.

Mundaı derekterdi Statistikamt Berlin‑Brandenburg statıstıka basqarmasy jarııalady. Halyq sanynyń ósýi qala aýdandary boıynsha birkelki emes: 12 aýdannyń 10-ynda turǵyndar sany artsa, ekeýinde azaıǵan. Eń joǵary ósim Treptov‑Kepenık aýdanynda tirkelip, 5 450 adamǵa (+1,8%) kóbeıdi. Al Raınıkendorf aýdanynda halyq sany 0,9%-ǵa, Shteglıts‑Tselendorf aýdanynda 0,2%-ǵa qysqardy.

Qalanyń shyǵys bóligi batysqa qaraǵanda aıtarlyqtaı jyldam ósip keledi.

Statıstıka basqarmasynyń málimetinshe, ósim negizinen shetelden kelgen adamdar esebinen qalyptasqanymen, olardyń sany aıtarlyqtaı azaıǵan: 2025 jyly shetelden kelgenderdiń sany 4 541 adam bolsa, bir jyl buryn shamamen 25 500 adam bolǵan. Soǵan qaramastan, qaladaǵy sheteldikterdiń úlesi 24,9% deńgeıinde turaqty saqtalǵan. 

Aıta ketelik Germanııada jeke kýálik rásimdeý quny ósken edi.