Berlın eýrazııalyq klýby alańynda «jasyl ekonomıka» salasyndaǵy yntymaqtastyq talqylandy
Elimizge qyzyǵýshylyq bildiretin birqatar nemis kompanııalarynyń basshylyǵymen jáne Germanııa Syrtqy ister mınıstrliginiń Memlekettik hatshysy Mıgel Bergermen kezdesip, eki memleket arasyndaǵy óńirlik yntymaqtastyq pen qaýipsizdik jónindegi ózekti máselelerdi talqylady.
Sondaı-aq otandyq dıplomat qazaqstan-german saýda-ekonomıkalyq jáne ınvestıtsııalyq ózara is-qımyl máseleleri boıynsha mańyzdy alań bolyp tabylatyn Berlın eýrazııalyq klýbynyń 30-shy mereıtoılyq otyrysyna qatysty. Otyrys barysynda Eýropalyq odaqtyń «Green Deal» baǵdarlamasyn jáne Qazaqstan men EO arasyndaǵy Keńeıtilgen áriptestik pen yntymaqtastyq týraly kelisimdi iske asyrý, «jasyl energetıka» jáne jańartylatyn energııa kózderin paıdalaný, EO-nyń «jasyl» jáne tsıfrlyq ekonomıkaǵa kóshýge qajetti shıkizattyń synı mańyzdy túrlerin jetkizý salalaryndaǵy ekijaqty qazaqstan-german yntymaqtastyǵy máseleleri qarastyryldy.
Іs-sharany Qazaqstannyń Berlındegi Elshiligi men «Kazakh Invest» UK» AQ German ekonomıkasynyń shyǵys komıtetimen (GEShK) birlesip uıymdastyrdy. Ózekti epıdemııalyq ahýalǵa baılanysty otyrys gıbrıd formatynda ótkizildi.
Klýb otyrysyn Qazaqstan Premer-Mınıstriniń orynbasary Roman Sklıar, Syrtqy ister mınıstriniń orynbasary M. Baımuhan, Germanııa Syrtqy ister mınıstrliginiń Memlekettik hatshysy M. Berger jáne GEShK Basqarma tóraǵasy Olıver Germes ashty. Taqyryptyq baıandamalardy Qazaqstannyń Geologııa, ekologııa jáne tabıǵı resýrstar vıtse-mınıstri Serikqqalı Brekeshev, «Respýblıkalyq taý-ken óndirýshileri jáne taý-ken metallýrgııalyq kásiporyndardyń respýblıkalyq qaýymdastyǵy» ZTB Atqarýshy dırektory Nıkolaı Radostovets, «DERA» Germanııanyń shıkizat agenttiginiń jetekshisi Peter Býhholts, Nemis energetıkalyq agenttiginiń (dena) basshysy Andreas Kýlman, Jasyl tehnologııalar jáne ınvestıtsııalyq jobalar ortalyǵynyń Basqarma tóraıymy Janna Qazjanova men «REDPATH DEILMANN GmbH» kompanııasynyń basqarýshy dırektory Iohan Graınaher jasady.
Pikirtalasqa sonymen qatar eki eldiń úkimettik jáne iskerlik toptarynyń, salalyq bıznes qaýymdastyqtarynyń ókilderi, onyń ishinde Qazaqstannyń Germanııadaǵy Elshisi Dáýren Káripov, «Volkswagen», «BMW», «SAP», «Knorr-Bremse», «Deutsche Bahn», «Weidmüller Holding», «Henkel», «Linde», «Hermann Paus Maschinenfabrik GmbH», «DMT GmbH» jáne t.b. kompanııalardyń basshylary qatysty.
Óziniń kirispe sózinde R. Sklıar «jasyl ekonomıkany» damytý Qazaqstanda tıisti saıasattyń negizgi baǵyttarynyń biri ekendigin atap ótti. Ol ónerkásipti energııa tıimdi tsıfrlandyrýdyń damý keleshigine, tómen kómirtekti damýda jáne qorshaǵan ortany qorǵaýda energııany únemdeýdiń róline nazar aýdaryp, geologııa jáne jer qoınaýyn paıdalaný salasyndaǵy reformalar týraly baıandady.
Óz kezeginde M. Berger 2020 jyldyń 1 shildesinde bastalǵan Germanııanyń EO Keńesine alty aıǵa rotatsııalyq tóraǵalyǵy sheńberinde qoıylǵan mindetterdi júzege asyrý barysy týraly aıtyp ótti. COVID-19 pandemııasymen qatar, eń mańyzdy jobalardyń biri 2050 jylǵa deıin «klımattyń beıtaraptylyǵyna» jetýge maqsattalǵan eýropalyq «Green Deal» baǵdarlamasy bolyp tabylady.
Sonymen birge, M. Baımuhan elimizdiń klımatty qorǵaý jónindegi jahandyq kúsh-jigerine beıildigin atap ótti jáne «jasyl» tehnologııalardyń Qazaqstanda da, «jasyl ólshemderdi» saqtaýǵa tyrysatyn basqa elderde de ekonomıkalyq ósý men áleýmettik ál-aýqattyń áleýetti katalızatory retinde mańyzdy rólin atap ótti.
Paneldik pikir almasý barysynda «jasyl energetıka» salasyndaǵy yntymaqtastyqty keńeıtý múmkindikteri boıynsha jemisti pikirtalas ótti. Taraptar 2012 jyldyń 8 aqpanynda Qazaqstan men Germanııa arasynda qol qoıylǵan Shıkizattyq, ónerkásiptik jáne tehnologııalyq seriktestik týraly úkimetaralyq kelisim sheńberinde yntymaqtastyqty belsendetý boıynsha birlesken qadamdardy qarastyrdy. BEK otyrysyna qatysýshylar sonymen birge pandemııanyń ekijaqty baılanystarǵa jaǵymsyz saldaryn azaıtý úshin is-qımyldardy úılestirýdi jalǵastyrýǵa nıetin bildirdi.
Aıta keter bolsaq, Berlın eýrazııalyq klýby 2012 jyly QR Tuńǵysh Prezıdenti Nursultan Nazarbaev pen Germanııanyń burynǵy vıtse-kantsleri, syrtqy ister mınıstri Hans-Dıtrıh Gensherdiń bastamasy boıynsha quryldy. Klýb beıformaldy dıalog alańy retinde Qazaqstannyń, Germanııanyń jáne Eýropanyń basqa memleketteriniń saıasatkerleri, halyqaralyq baılanystar jónindegi sarapshylary, ǵylymı-qoǵamdyq jáne iskerlik toptarynyń ókilderi úshin ashyq. 2019 jyldyń jeltoqsanda BEK-tiń 28-shi otyrysyna qatysýshylardyń aldynda Memleket basshysy Qasym-Jomart Toqaev sóz sóılep, ekijaqty yntymaqtastyqtyń qoǵamdyq-saıası jáne saýda-ekonomıkalyq máseleleriniń keń spektrin talqylaý úshin BEK-tiń belgili alań retindegi mańyzdylyǵyn erekshe atap ótken bolatyn.
Agroónerkásiptik salasyndaǵy yntymaqtastyqqa arnalǵan BEK-tiń 29-shy otyrysy 2020 jyldyń 24 maýsymynda Memleket basshysynyń tapsyrmasy boıynsha nemis ınvestorlarmen jumys boıynsha úkimettik jumys tobyna jetekshilik etken Qazaqstan Premer-Mınıstriniń orynbasary R. Sklıardyń tóraǵalyǵymen onlaın formatta bolǵan edi.
