Berlın bıligi bopsalaýshylardyń talabyn oryndamady: hakerler derekterdi darknetke jarııalady
ASTANA. KAZINFORM — «Rhysida» hakerlik toby Berlın jeri ákimshiliginiń shamamen alty terabaıt deregin darknetke jarııalady, dep habarlaıdy Euronews.
Basylymnyń málimetinshe, jarııalanǵan faıldardyń arasynda asa qupııa aqparat ta bar. Barlyǵy 1 439 893 faıl syrtqa shyqqan. Berlın bıligi men saıasatkerleri ázirge jaǵdaıǵa qatysty naqty túsinikteme bergen joq.
— Jarııalanǵan qujattardyń arasynda «AG CBRN-Rahmenplanung» dep atalatyn papka da bar. CBRN qysqartýy hımııalyq, bıologııalyq, radıologııalyq jáne ıadrolyq qaterlerdi bildiredi. ıAǵnı tótenshe jaǵdaılardyń yqtımal stsenarıılerine qatysty asa qupııa málimetter endi ashyqqa shyǵýy múmkin. Bul aqparat terrorıster men sheteldik barlaý qyzmetteriniń qolyna túsýi yqtımal, — dep jazady Euronews.
Zertteýshi jýrnalıst Lars Vınkelsdorf X áleýmettik jelisinde bul jaǵdaıǵa alańdaýshylyq bildirdi. Onyń aıtýynsha, kıbershabýyldyń aýqymy memleket qaýipsizdigine qater tóndiretin deńgeıge jetken.
— Berlın jeriniń qylmystyq polıtsııa basqarmasynyń (LKA) tergeý materıaldarymen qatar, el qorǵanysyn qamtamasyz etýge arnalǵan josparlar da bar. Tipti «aqyrzaman» jaǵdaıynda federaldyq úkimet paıdalanatyn qupııa baılanys arnalary týraly málimetter de kezdesedi, — dedi ol.
Kóptegen adamnyń jeke derekteri de syrtqa shyqqan. Olardyń basym bóligi Berlın jeriniń memlekettik organdarynda jumys isteıtin qyzmetkerlerge tıesili. Jarııalanǵan málimetterdiń arasynda týý týraly kýálikter, boljam boıynsha, qyzmetkerlerdiń jumysqa kelmegen kúnderi kórsetilgen tabelder, telefon nómirleri men úı mekenjaılary bar.
Buǵan deıin bopsalaýshylar óz saıtynda derekterdi jarııalaıtynyn aıtyp qorqytyp, 30 bıtkoın, ıaǵnı shamamen eki mıllıon eýro talap etken edi. Talapty oryndaýǵa berilgen ýaqytty kórsetý úshin olar keri sanaq qosqan. Onyń merzimi juma kúni shamamen saǵat 15:35–te aıaqtaldy. Berlın senaty merzim aıaqtalmaı turyp-aq mundaı talaptarǵa kónbeıtinin málimdedi.
Keri sanaq aıaqtalǵannan keıin kóp uzamaı aýqymdy derekter jıyntyǵy darknetke jarııalandy. Hakerlik top músheleri áleýmettik jelilerde faıl ataýlarynyń tizimin de tarata bastady. Bul kıbershabýyl men odan keıingi aqparattyń syrtqa taralý aýqymyn ańǵartady.
Buǵan deıin Lıhtenshteınde hakerler memlekettik tizilimge kıbershabýyl jasap, onda saqtalǵan qupııa derekterdi urlaǵany habarlanǵan edi.
