Berlın Afınanyń nesıelendirý baǵdarlamasyn uzartý týraly ótinishine qatysty málimdeme jasady
ASTANA. QazAqparat - Germanııa Afınanyń Grekııany nesıelendirý baǵdarlamasyn alty aıǵa uzartý týraly ótinishterine qarsylyq tanytty.
Berlın ótinishti negizsiz dep tapty. Óıtkeni Gretsııa osyǵan deıingi ES/MVF qarjylyq kómeginiń talaptaryn oryndamady, dep habarlady Reuters. Gretsııany nesıelendirýdiń qazirgi baǵdarlamasy 1 naýryzda aıaqtalady. Osyǵan deıin Eýrotop tóraǵasy Ierýn Deısselblým eýroaımaqtyń qarjy mınıstrleri juma kúni Brıýsselde jıyn ótkizip, ótinish boıynsha sheshim qabyldaıtynyn aıtqan. Germanııa qarjy mınıstrligi Grekııanyń usynysyna qarsy shyqty. Berlın eldiń jańa úkimeti sózderinde turyp, qatań ekonomıkalyq saıasat pen ekonomıkalyq reformalardy júrgizetinine kúmándanýda. Qańtardyń aıaǵynda EOB basqarýshy keńesine kiretin, Fınlıandııa Bankiniń basshysy Erkkı Lııkanen Grekııa ekonomıkasyn qutqarý boıynsha baǵdarlamasynyń merzimin ýaqytynda uzartpasa, Eýropalyq ortalyq bank Gretsııaǵa qaryz berýdi jalǵastyra almaıtynyn habarlaǵan.
Grekııanyń Premer-mınıstri, jýyrda bılikke kelgen SIRIZA partııasynyń kóshbasshysy Aleksıs Tsıpras 8 aqpanda el burynǵy úkimet Eýropalyq odaq jáne Halyqaralyq valıýta qorymen birge bekitken ekonomıkany turaqtandyrý josparyn ary qaraı júzege asyrýdan bas tartatynyn jáne EO basshylarynan onyń merzimin ulǵaıtýdy suramaıtynyn aıtqan, dep habarlady Reuters.
