Berik Júıriktaev Pavlodar oblysynyń prokýrory bolyp taǵaıyndaldy

Buǵan deıin Almaty qalasynyń prokýratýrasyn basqarǵan Berik Júıriktaev jańa qyzmetke keldi, dep habarlaıdy QazAqparat tilshisi. 

Ol jańa qyzmetke rotatsııa tártibimen keldi.

Bas prokýrordyń ókimimen ol Pavlodar oblysynyń prokýrory bolyp taǵaıyndaldy.

45 jastaǵy Berik Júıriktaev — «Turan» ýnıversıtetiniń túlegi.

Prokýratýra organdaryndaǵy qyzmetin 1999 jyly Almaty qalasy Medeý aýdany prokýrorynyń kómekshisi bolyp bastaǵan.

Osy jyldary Almaty oblysy Panfılov aýdanynyń prokýrory, Almaty qalasy Áýezov aýdanynyń prokýrory, Almaty qalasy prokýrorynyń orynbasary, birinshi orynbasary qyzmetin atqarǵan.

Oblys prokýrorynyń mindetin atqarýshy Serik Káripbekov kerisinshe ońtústik astanaǵa qyzmetke attanady.

Ol Almaty qalasynyń prokýrory bolyp taǵaıyndaldy.