Berik Ýálı Prezıdent ókilettiginiń aıaqtalý merzimine qatysty qaýesetti joqqa shyǵardy
Búgin birqatar sheteldik BAQ Qasym-Jomart Toqaevtyń ókilettigi 2026 jyly aıaqtalatynyn atap ótti. QR Prezıdentiniń keńesshisi – Prezıdenttiń Baspasóz hatshysy Berik Ýálı osyǵan qatysty túsinikteme berdi. Kazinform bul týraly Qazaqstan Ulttyq telearnasyna silteme jasap habarlaıdy.
«Bizdegi naqty jaǵdaımen tanys emes keıbir jýrnalıstiń arasynda túsinbeýshilik týyndaǵan. Shyn máninde, Memleket basshysy «Egemen Qazaqstan» gazetine bergen suhbatynda Konstıtýtsııany ózgertý jáne kelesi saılaýǵa qatysý maqsatynda 2026 jyly referendým daıyndaý týraly boljamdardy joqqa shyǵardy. Prezıdent 2022 jyldyń qarashasynda jeti jyldyq merzimge saılanǵany belgili. Konstıtýtsııaǵa sáıkes, onyń ókilettigi 2029 jyldyń qarashasynda aıaqtalady. Sonymen qatar Qasym-Jomart Toqaev buǵan deıin prezıdenttik ókilettikterdi jeti jyldyq merzimge shekteýdi usyndy», - dep jaýap berdi B.Ýálı.
