Berik Ýálı Abaı oblysynyń ákimi bolyp taǵaıyndaldy
ASTANA. KAZINFORM — Qazaqstan Prezıdentiniń Keńesshisi – Prezıdenttiń Baspasóz hatshysy Berik Ýálı Abaı oblysynyń ákimi qyzmetine taǵaıyndaldy, dep habarlaıdy Aqordanyń baspasóz qyzmeti.
— Memleket basshysynyń ókimimen Berik Ýálı Abaı oblysynyń ákimi bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.
Berik Ýálı 1977 jyly Semeı oblysynda dúnıege kelgen.
T. Júrgenov atyndaǵy Qazaq memlekettik teatr jáne kıno ınstıtýtyn «Kınotanýshy», Ál-Farabı atyndaǵy Qazaq ulttyq ýnıversıtetin «Jýrnalıstıka» (magıstratýra), sondaı-aq Qazaq ınnovatsııalyq gýmanıtarlyq-zań ýnıversıtetin «Quqyqtaný» mamandyqtary boıynsha bitirgen.
Eńbek jolyn 1997 jyly «Tań» telekompanııasynda «Almaty jańalyqtary» aqparattyq baǵdarlamasynyń tilshisi bolyp bastaǵan.
1998-1999 jyldary – «NTK» telearnasynda «Jańalyqtar» aqparattyq baǵdarlamasynyń shyǵarýshy redaktory.
2000-2007 jyldary – «31 kanal» teleradıokompanııasynda» «Informbıýro» aqparattyq baǵdarlamasynyń bas redaktory, «Erkin sóz» baǵdarlamasynyń avtory ári júrgizýshisi, «Doda» saıası tok-shoýynyń bas redaktory ári júrgizýshisi.
2007-2012 jyldary – «Habar» Agenttigi» AQ Aqparattyq baǵdarlamalar dırektsııasy jańalyqtar qyzmetiniń tilshisi,
«Betpe-bet» aqparattyq-saraptamalyq baǵdarlamasynyń júrgizýshisi.
2009-2012 jyldary – «Nur Otan» partııasy «Nur-Medıa» JShS Jemqorlyqqa qarsy medıa-ortalyǵynyń basshysy.
2012-2015 jyldary – Ońtústik Qazaqstan oblysy ákimi apparat basshysynyń orynbasary – baspasóz qyzmetiniń jetekshisi, Іshki saıasat jáne din isteri basqarmasynyń basshysy.
2015-2016 jyldary – «Nur-Otan» partııasy Tóraǵasy birinshi orynbasarynyń keńesshisi.
2016-2018 jyldary – Qazaqstan Respýblıkasy Investıtsııalar jáne damý mınıstriniń keńesshisi, Aqparattyq qamtamasyz etý departamentiniń dırektory.
2017-2018 jyldary – «Qazaqstan» ulttyq telearnasy «1-stýdııa» qoǵamdyq-saıası tok-shoýynyń júrgizýshisi.
2018-2019 jyldary – Jambyl oblysy ákimdigi Іshki saıasat basqarmasynyń basshysy.
2019-2022 jyldary – Qazaqstan Respýblıkasy Prezıdentiniń Baspasóz hatshysy.
2022-2023 jyldary – «Habar» Agenttigi» AQ basqarma tóraǵasy.
2023 jylǵy 12 qyrkúıekte Memleket basshysynyń ókimimen Qazaqstan Respýblıkasy Prezıdentiniń Keńesshisi – Prezıdenttiń Baspasóz hatshysy laýazymyna taǵaıyndaldy.
«Daryn» memlekettik jastar syılyǵynyń (2011), «Parasat» (2024), «Qurmet» (2019) ordenderiniń, QR Prezıdenti Alǵysynyń (2021), QR Prezıdenti Ákimshiliginiń «Minsiz qyzmeti úshin» tósbelgisiniń (2022) jáne 5 merekelik medaldiń ıegeri.
Osyǵan deıin Erulan Jamaýbaev QR Ulttyq banki tóraǵasynyń birinshi orynbasary bolyp taǵaıyndalǵanyn jazǵan edik.
Sonymen qatar elimizdiń shyǵysynda birqatar aýys-túıis boldy. Máselen Ermek Kósherbaev ShQO ákimi qyzmetinen bosatylyp, Premer-Mınıstrdiń orynbasary laýazymyna taǵaıyndaldy.
Al Nurlan Uranhaev Abaı oblysynyń ákimi laýazymynan bosatylǵany belgili boldy.
Buǵan deıin Kazinform tilshisi Nurlan Uranhaev Abaı oblysy ákimi qyzmetinde, Ermek Kósherbaev ShQO ákimi qyzmetinde nesimen este qalǵanyn zerdelep kórdi.